Angliýanyň Ykdysadyýet we menejment barlaglary merkeziniň (CEBR) maglumatyna görä, 2022-nji dünýä ykdysadyýetiniň mukdary 100 trillion dollardan geçer. Hytaýyň ykdysadyýeti bolsa 2030-njy ýylda dünýäde birinji bolar. Taýýarlanan maglumata görä geljek ýyl dünýä ykdysadyýeti ilkinji gezek 100 trillion dollardan geçer.
CEBR-iň taýýarlan maglumatynda geljek ýyl Hindistanyň ykdysadyýeti Fransiýadan ozduryp, altynjy ýeri eýelär. 2031-nji ýylda dünýäde üçünji orna çykar. Angliýanyň ykdysadyýeti “Brexit”-e garamazdan, 2036-njy ýylda Fransiýadan 16 göterim güýçli bolar. Germaniýa 2033-nji ýylda Ýaponiýadan ozdurar. Howanyň özgermegi 2036-njy ýyla çenli sarp edijileriň çykdajylaryny her ýylda ortaça 2 trillion dollar azaldar. Hytaýyň ykdysadyýeti 2020-nji ýyldan 2025-nji ýyla çenli aralykda ortaça 5,7 %, 2026-2030-njy ýyllar aralygynda 4,7 %, 2030-2035-nji ýyllar aralygynda 3,7 % öser.
2036-njy ýylda dünýäniň ilkinji 10 ykdysadyýeti: Hytaý, ABŞ, Hindistan, Germaniýa, Ýaponiýa, Angliýa, Fransiýa, Indoneziýa, Braziliýa we Russiýa bolar. Ikinji onlugy degişlilikde Kanada, Günorta Koreýa, Italiýa, Awstraliýa, Ispaniýa, Meksika, Saud Arabystany, Niderlandlar, Türkiýe we Wýetnam emele getirer.
