Serie A-nyň Roma toparynda çykyş edýän özbegistanly hüjümçi Eldor Şomurodow ýurdunda ýylyň futbolçysy diýlip saýlandy. Ol Özbegistanyň futbol federasiýasy hem-de Professional futbol ligasy tarapyndan ýurtdaky sport žurnalistleriniň arasynda geçirilen pikir soraşmada öňe saýlanyp, bu hormata laýyk görüldi. Möwsümiň başynda 17,5 million ýewro Jenoadan Roma transfer bolan Şomurodow 23 oýunda 3 gol geçirip, 5 goluň pasyny berdi.
Şeýle-de, Özbegistanda ýylyň tälimçisi diýlip, AFK Kubogynda finala çykan Nasaf toparynyň tälimçisi Ruzikul Berdiýew saýlandy.
