Italiýanyň çempionaty Serie A-da düýn 2-nji aýlawa badalga berildi. 20-nji tapgyryň 4 duşuşygy pandemiýa sebäpli soňa goýuldy. Tapgyryň merkezi duşuşygynda Ýuwentus öz meýdançasynda Napoli bilen 1-1 deňme-deň oýnady. 23-nji minutda Mertensiň goluna ýer eýelerinden Federika Kieza 54-nji minutda jogap berdi. Tapgyryň beýleki bir esasy duşuşygynda Milan öz meýdançasynda Romany 3-1 hasabynda ýeňdi. 8-nji minutda Žirunyň penalti goly bilen öňe geçen ýer eýeleri 17-nji minutda Messias Junior hasaby 2-0-a çykardy. 40-nji minutda Abraham Romany umytlandyrsa-da, 82-nji minutda Rafael Leao hasaby 3-1-e çykaryp oýna soňky nokady goýdy. Oýnuň 90+4-nji minutynda Ibrahimowiç penaltini dürs urup bilmedi. Romadan duşuşygyň 74-nji minutynda Krodrup, 90+3-nji minutynda-da Mançini ikinji sarydan gyzyl kart aldy. Tapgyryň iň golly oýnunda Lasio bilen Empoli 3-3 deňme-deň oýnady. Lasio 90+3-nji minutda hasaby deňlemegi başardy (Immobile 14, Milinkowiç-Sawiç 66, 90+3 – Baýrami 6, Zurkowski 8, Di Françesko 75).
Bolonýa – Inter, Fiorentina – Udineze, Salernitana – Wenesiýa, Atalanta – Torino duşuşyklary soňa goýuldy.
Milan – Roma: 3-1
Ýuwentus – Napoli: 1-1
Lasio – Empoli: 3-3
Spesiýa – Werona: 1-2
Sampdoriýa – Kaliari: 1-2
Sassuolo – Jenoa: 1-1
