Ispaniýanyň Super Kubogy duşuşygynda ilkinji finalçy “Real Madrid” bolup, olar ýarym finalda köne bäsdeşi “Barselonany” goşmaça wagtda 3-2 hasabynda ýeňdi. Oýnuň 1-nji ýarymy 1-1 deňlikde tamamlandy. “Realdan” Winisius Junioryň 26-njy minutdaky goluna garşylyk 42-nji minutda Luuk de Ýong jogap berdi. 2-nji ýarymda-da ilki “Real” geçirip, soň “Barselona” hasaby deňledi. 72-nji minutda Karim Benzema “El Klasikolardaky” 11-nji goluny geçirdi. Oýna soň goşulan Ansu Fati 83-nji minutda hasaby deňlemegi başardy. 83-nji minutda Modriçiň deregine meýdança giren goşmaça wagtda, has takygy, 98-nji minutda tapawutlanyp, “Reala” ýeňiş getiren oýunçy boldy. Şeýlelikde, “Real Madrid” resmi duşuşyklarda “Barselonany” 100-nji gezek ýeňlişe sezewar etdi. “Barselona” soňky 7 oýunda “Realdan” utuldy. “Real Madrid” Ispaniýanyň Super Kubogy duşuşygynda finalynda çykyş eder. 16-njy ýanwarda oýnaljak finalda ol “Atletiko” ýa-da “Atletik” topary bilen duşuşar.
