Stiwen Jerardy tälimçilige bellän Aston Willa topary ýene bir öňki barselonaly futbolçyny düzümine goşdy. Birmingem şäheriniň kluby Ewerton toparynyň fransiýaly çep gyraky goragçysy Luka Dini transfer etdi. Iňlis metbugatynda çykan habarlara görä, Aston Willa 28 ýaşyndaky oýunçy bilen 2026-njy ýylyň tomsuna çenli şertnama baglaşdy. Aston Willa Diniň transferi üçin Ewertona 25 million funt sterling berer. Aston Willa topary golaýda Barselonadan Filippe Koutiniony hem möwsümiň ahyryna çenli kärendesine alypdy. Luka Din 2016-2018-nji ýyllar aralygynda 2 möwsüm Barselonada çykyş edipdi.
