Ýurdumyzyň wise-çempiony Ahal toparynyň täze möwsümde AFK Çempionlar Ligasynda çykyş etjekdigi ozal belli bolupdy. Şu gün ilkinji gezek gatnaşýan Ahal toparynyň toparçalardaky garşydaşlary belli boldy. Malaýziýanyň paýtagty Kuala-Lumpurda geçirilen bije çekiliş dabarasynda “Ahal” topary “C” toparça düşüp, ildeşlerimiz BAE-niň “Şabab Al-Ahli”, Eýranyň “Fulad Huzestan” hem-de Kataryň “Al-Garafa” toparlary bilen bije çekişdi.
Ýaryşda 10 toparça bolup, her toparçada 1-nji orny eýelänler hem-de ikinji ýeri eýelänleriň iň gowy netije görkezen 6-sy ýaryşy dowam etdirerler. Toparçalardaky duşuşyklar merkezileşdirilen meýdançada geçiriler. Duşuşyklaryň ählisi-de aprel aýynda geçirilip, 6 oýnuň netijesinde öňe saýlananlar ýaryşy dowam ederler.
