Türkmenistanyň çempiony “Altyn asyr” futbol toparynyň, şol sanda “Köpetdag” toparynyň AFK Kubogynda garşydaşlary çekilen bijeden soň mälim boldy. “Altyn asyr” topary “E” toparçada çykyş eder. Ildeşlerimiz bu toparçada Özbegistanyň “Nasaf Garşy”, Täjigistanyň “SSKA Pamir” (Duşanbe) hem-de Gyrgyzystanyň “Neftçi” klublary bilen bije çekişdi. “F” toparçada çykyş etjek “Köpetdag” topary Täjigistanyň Kubogynyň eýesi “Hujand” hem-de Gyrgyzystanyň çempiony “Dordoý” bilen duşuşar. Merkezileşdirilen meýdançada geçiriljek duşuşyklaryň netijesinde toparçalarda 1-nji orny eýelänler ýaryşy dowam ederler. Toparçadaky duşuşyklar 24-30-njy iýun aralygynda geçiriler.
