Germaniýanyň Kubogy ýaryşynda garaşylmadyk netije hasaba alyndy. Çempionatda 2-nji orunda barýan, kubogyň soňky eýesi we bu möwsümde-de esasy dalaşgärlerinden Borussiýa Dortmund topary 2-nji liganyň wekili St. Pauliden 2-1 hasabynda utuldy we ýaryşdan çykdy. 1-nji ýarymda ýer eýeleri Amenýido (4) hem-de Witseliň awtogoly (40) bilen 2-0 öňe saýlandy. 58-nji minutda Holannyň penaltiden geçiren goly dortmundlylara ýeňiş üçin ýeterlik bolmady.
Şeýle-de 2-nji ligada çykyş edýän Hamburg topary myhmançylykda Kölni esasy wagty 1-1 gutaran oýunda penaltileriň netijesinde ýaryşdan çykardy. 1860 Münih bilen Karlsrue toparlarynyň arasyndaky oýunda myhmançylykdaky topary 1-0 ýeňip, çärýek finala çykdy.
