Tä­sin fes­ti­wal­lar

Dün­ýä­de her ýyl müň­ler­çe fes­ti­wal ge­çi­ril­ýär. Fes­ti­wal­lar jem­gy­ýet ta­ra­pyn­dan kes­git­le­nen, däp bo­lan we bel­li gün­ler­de bel­le­nil­ýän wa­ka­lar­dyr. Köp me­de­ni­ýet­ler­de fes­ti­wal­lar ynanç we yrym­lar, däp-des­sur­lar, he­ka­ýat­lar, ba­ha­ryň gel­me­gi we ha­syl­ly­lyk bi­len bag­la­ny­şyk­ly­dyr. Di­ňe güý­men­je mak­sat­ly ge­çi­ril­ýän fes­ti­wal­la­ra dün­ýä­niň dür­li kün­jek­le­rin­den müň­ler­çe adam gat­naş­ýar. Ine, dün­ýä­niň iň meş­hur fes­ti­wal­la­ry:

«La To­ma­ti­na» fes­ti­wa­ly, Is­pa­ni­ýa
Bu fes­ti­wal Is­pa­ni­ýa­nyň gün­do­ga­ryn­da­ky Wa­len­si­ýa ke­nar­ýa­ka Bu­nol şä­he­rin­de ge­çi­ril­ýär. Iň meş­hur şü­we­leň­le­riň bi­ri bo­lan «To­ma­ti­na» gat­na­şy­jy­lar bi­ri-bi­ri­ne po­mi­dor zy­ňyş­ýar­lar. Güý­men­je mak­sat­ly gu­ra­lyp, to­par bo­lup ge­çi­ril­ýän bu fes­ti­wal 1945-nji ýyl­dan bä­ri her ýy­lyň aw­gust aýy­nyň soň­ky çar­şen­be­sin­de ge­çi­ril­ýär.
Bor­ýon pal­çyk fes­ti­wa­ly, Ko­re­ýa Res­pub­li­ka­sy
Ko­re­ýa Res­pub­li­ka­sy­nyň Bor­ýon şä­he­rin­de ge­çi­ril­ýän bu fes­ti­wal iki mil­li­on tö­we­re­gi ada­myň gat­naş­ma­gyn­da ge­çi­ril­ýär. Bor­ýo­nyň pal­çyk meý­dan­la­ryn­dan Teç­hon de­ňiz ke­na­ry­na pal­çyk ge­ti­ril­ýär. Fes­ti­wal iki hep­de do­wam ed­ýär. Adat­ça, iýul aýy­nyň ikin­ji ýek­şen­be­sin­de ge­çi­ril­ýän bu fes­ti­wal 1996-njy ýyl­dan bä­ri bel­le­nil­ýär. Bor­ýon pal­çyk fes­ti­wa­lyn­da dür­li baý­rak­ly ýa­ryş­lar, aý­dym-saz­ly çä­re­ler gu­ral­ýar.
«Not­ting Hill» fes­ti­wa­ly, Lon­don
«Not­ting Hill» fes­ti­wa­ly dün­ýä­de iň köp gat­na­şyl­ýan çä­re­le­riň bi­ri­dir. Fes­ti­wal­da ýüz­ler­çe müň adam Lon­do­nyň Ken­sing­ton et­ra­by­nyň «Not­ting Hill» kö­çe­sin­de reňk­li we tä­sin eşik­le­ri ge­ýip, baý­ram­çy­lyk ýö­ri­şi­ne gat­naş­ýar­lar. Lon­don­da Af­ri­ka me­de­ni­ýe­ti­ni ös­dür­mek mak­sa­dy bi­len ge­çi­ril­ýän dost­luk şü­we­le­ňi il­kin­ji ge­zek 1960-njy ýyl­lar­da bel­le­nip baş­lan­ýar. Her ýy­lyň aw­gust aýy­nyň soň­ky şen­be we ýek­şen­be gün­le­rin­de ge­çi­ril­ýän fes­ti­wa­la dür­li mil­let­le­riň we­kil­le­ri gat­naş­ýar­lar.
Ho­li fes­ti­wa­ly, Ne­pal we Hin­dis­tan
Her ýy­lyň few­ral aýyn­da Hin­dis­tan­da we Ne­pal­da ba­har baý­ra­my bel­le­nil­ýär. Fes­ti­wal gy­şyň gu­tar­ma­gyny, ba­ha­ryň gel­me­gini we be­re­ket­li ha­sylyň alyn­ma­gyny ar­zuw­lap ge­çi­ril­ýär. Hin­di se­ne­na­ma­syn­da 11-nji aýyň 14-ine ag­şam oduň ýa­kyl­ma­gy bi­len baş­lan­ýan şü­we­leň, er­te­si gün reňk fes­ti­wa­ly bi­len do­wam ed­ýär. Şol gün her kim bi­rek-bi­re­ge bo­ýag­la­ry zy­ňyş­ýar­lar, kö­çe­ler tans ed­ýän, aý­dym aýd­ýan, oýun oý­na­ýan şa­dy­ýan adam­lar bi­len dol­ýar. Bu baý­ram­çy­lyk soň­ky ýyl­lar­da dün­ýä­niň köp se­bi­ti­ne ýaý­ra­dy. Söý­gi­niň, reňk­le­riň we ba­ha­ryň gel­me­gi­ni aň­lad­ýan bu gy­zyk­ly fes­ti­wal bir­nä­çe film­de hem öz be­ýa­ny­ny tap­dy.
«Rio» fes­ti­wa­ly, Bra­zi­li­ýa
Bra­zi­li­ýa­nyň Rio-de-Ža­neý­ro şä­he­rin­de ge­çi­ril­ýän fes­ti­wa­la iki mil­li­on adam gat­na­şyp, dün­ýä­niň iň uly fes­ti­wa­ly ha­sap­lan­ýar. Bu fes­ti­wal il­kin­ji ge­zek 1723-nji ýyl­da ge­çi­ri­lip­dir. Her ýyl müň­ler­çe ja­han­keş­dä­ni bu şä­he­re ge­tir­ýän fes­ti­wal­da iki mil­lio­na go­laý adam tans­dyr aý­dym-saz­la­ry ýe­ri­ne ýe­ti­rip, baý­rak­ly çä­re­le­re gat­naş­ýar­lar. Bu fes­ti­wal «Sam­ba mek­de­bi­niň» gat­na­şy­jy­la­ry ta­ra­pyn­dan gu­ra­lyp, ol ýer­li mil­let­den, goň­şy ýurt­la­ryň ra­ýat­la­ryn­dan dur­ýar.
Loý Kra­tong we Ýi Pen fes­ti­wal­la­ry, Taý­land
Loý Kra­tong fes­ti­wa­ly Taý­land Aý se­ne­na­ma­sy­nyň 12-nji aýy­nyň 14-ine, ýag­ny do­lan aý­da bel­le­nil­ýär. Bu fes­ti­wa­lyň ady ter­ji­me edi­len­de, «ýüz­ýän se­bet» diý­me­gi aň­lad­ýar. Fes­ti­wal ba­na­nyň aga­jyn­dan ýa­sa­lan se­bet­ler, gül­ler, şem­ler, ýa­kym­ly ys­ly tü­telt­gi we ba­nan aga­jy­nyň ýap­rak­la­ry bi­len be­zel­ýär. Fes­ti­wal­dan öň her kim öz se­be­di­ni ýa­sa­ýar. Aý al-as­ma­na çy­ka­nyn­da bol­sa taý­land­ly­lar taý­ýar­lan se­bet­le­ri­ni ar­zuw edip su­wa goý­ber­ýär­ler. Ýe­ri ge­len­de bel­le­sek, ýurt­da şeý­le fes­ti­wa­la meň­zeş Ýi Pen şü­we­le­ňi hem ge­çi­ril­ýär. Şon­da adam­lar ama­la aş­ma­gy­ny is­le­ýän ar­zuw­la­ry­ny aýdyp çy­ra­la­ry uçur­ýar­lar. Müň­ler­çe ada­myň gat­naş­ma­gyn­da ge­çi­ril­ýän bu fes­ti­wal her ýylyň no­ýabr aýyn­da ge­çi­ril­ýär.