Golaýda Şotlandiýada bir jaýyň üçeginden tapylan Osmanly imperiýasynyň patyşalarynyň kartinalary auksion arkaly satuwa çykaryldy. Bu suratlar garaşylandan 27 esse gymmada satyldy. Düýn “Sotheby’s” auksion öýi tarapyndan guralan söwdada satylan eserleriň 100 ýyldan bäri Jedburg etrapçasyndaky bir jaýyň üçeginde saklanyp galandygy mälim edildi. Bilermenler bu suratyň 50-70 müň funt sterling bolmagyna garaşýardylar. Auksion öýüniň Şotlandiýa boýunça müdiri Dawid Makdonaldyň “ajaýyp tapyndy” diýip baha beren suratlary 1 million 346 müň funt sterlinge satyldy. Iň ulusy 63,5 x 49 sm, iň kiçisi 57,1 x 44,3 sm bolan, 17-nji asyrda döredilendigi çaklanylýan eserleriň awtorlary häzirlikçe nämälim bolmagyna galýar. Tötänleýin tapylan eserleriň arasynda 5 sany Osmanly patyşasy bilen bir hatarda Teýmirler döwletiniň esaslandyryjysy Teýmirleňiň suraty hem bar.
