Şu gün Hytaýda Täze ýyl diýlip atlandyrylýan, ýöne “Bahar baýramy” hökmünde bellenýän baýramçylyk başlady. 1-nji fewralda ak Öküz ýyly gutaryp, Gaplaň ýyly başlandy. Gündogar senenamasyna görä, häzir 2022-nji ýyl däl-de, 4720-nji ýyl. Hytaýlylar miladydan öň, 2637-nji ýylda, ady rowaýata öwrülen hökümdar Huang Diniň höküm süren döwründen bäri ýyl hasabyny ýöredýärler. Ol doasizmiň düýbüni tutujy we ähli hytaýlylaryň atasy hasaplanýar.
Öňden gelýän hytaý Täze ýylynyň belli bir senesi bolman, Aý senenamasyna esaslanýar. 21-nji dekabrda bolup geçýän gyş paslyndan soňky ikinji täze aýda bellenilýär. Grigorian senenamasynda ikinji täze aý 21-nji ýanwardan 21-nji fewral aralygyna düşýär.
Täze ýyl baýramçylygynyň aýlawy, adatça, Hytaý senenamasynyň birinji aýynyň birinji gününde başlap, dabaralaryň 15-nji gününde bolup geçýän çyra baýramçylygy bilen tamamlanýar.
