Angliýanyň “Sotheby’s” auksion öýi dünýäniň iň uly gara reňkli göwherini satuwa çykardy. “Enigma” atly 555,55 karatlyk göwher 3-9-njy fewral aralygynda onlaýn satuwa hödürlener. Gymmatly daşyň 1990-njy ýyllarda satyn alnanda kesilmedik wagty agramy 800 karat eken. Göwher 2006-njy ýylda iň uly kesilen göwher hökmünde Ginnesiň rekordlar kitabyna girizilipdir. Häzirki wagtda Londonda sergä çykarylan göwher mundan ozal Dubaýda, Los-Anjelesde we Kaliforniýada köpçülige dykgatyna hödürlenipdi.
