Şwesiýanyň dünýä belli aýdym-saz platformasy Spotify Ispaniýanyň meşhur Barselona toparynyň hemaýatkäri bolar. Hemaýatkärligiň çäginde Barselonanyň formasynda mundan soň Rakuten-iň ornuna Spotify platformasynyň ady bolar. Galyberse-de, stadionyň ady Kamp Nou hem platformanyň ady bilen bilekde agzalar. Ýagny stadionyň ady mundan soň Camp Nou Spotify ady bilen tutular. Katalonlaryň bu şertnamadan ýyllyk 60-65 million ýewro möçberinde girdeji gazanmagyna garaşylýar. Aslynda Barselona topary stadionyň ady üçin 15 ýyllyk şertnama isleýärdi. Ýöne Spotify kompaniýasynyň ýolbaşçylary häzirlikçe şertnamanyň gysga möhletli bolmagynyň tarapdary. Şwed brendi ilki bilen Arsenal klubuna şeýle teklip berýär. Ýöne taraplar ylalaşyk gazanyp bilmeýär. Geçen ýylyň oktýabr aýyndan bäri Barselona bilen Spotify platformasynyň arasynda gepleşikler geçirilip gelinýärdi. Şertnamanyň netijesinde, Barselonanyň sosial media hasaplaryna 800 million töweregi yzarlaýjynyň goşulmagyna garaşylýar.
Ýeri gelende aýtsak, Barselonanyň Rakuten bilen şertnamasy 30-njy iýunda tamamlanýar. Rakuten Messiniň topardan gaýtmagyndan soň şertnamany uzaltmakda ýüz öwrüpdi. Barselona topary baş mahabatçy bolmak isleýän Hytaýyň tehnologiýa şereketlerinden Tencent, kripto pul birligi şereketlerinden Vegan hem-de Polkadot ýaly kompaniýalardan hem teklipler alypdy.
