“Altyn nal” hususy kärhanasy Balkan welaýatynyň Türkmenbaşy etrabynda 2017-nji ýylda duz önümleriniň önümçiligini ýola goýdy. Bu ýerde gazylyp alynýan duzlar gaýtadan işlenilip, ýodlaşdyrylan nahar duzy we senagatda ulanylýan tehniki duzlar öndürilýär.
Ýodlaşdyrylan nahar duzy “Agam” haryt nyşany bilen öndürilip, olar 180, 450 we 750 gram, 1 we 2 kilogram agramlykdaky gaplara gaplanylýar we ýurduň ähli welaýatlarynyň we paýtagtyň söwda merkezlerinde elýeterli bahalardan ýerlenilýär. Kärhanada gaýtadan işlenen duz önümleriniň aýda 20-25 tonnasy söwda nokatlaryna ugradylýar. Bu barada Türkmenistanyň Senagatçylar we telekeçiler birleşmesiniň web saýty habar berýär.
