Fransiýanyň paýtagty Pariž diňe iň köp syýahatçy kabul edýän şäher bolmak bilen çäklenmän, eýsem, kino düşürilýän ýerleriň sanawynda hem öňdeligi eýeleýär. Geçen ýyl şäherde uzyn metražly 110 film, 64 serial surata düşürilipdir. Bu filmleriň surata düşürilen wagty jemi 7 müň günden geçipdir. Şeýlelikde, her bir film ortaça 39 günde düşürilipdir. Parižiň ýerli häkimiýetiniň medeniýet-sungat gullugy bu ugurda rekord gazanylandygyny mälim etdi. Esasan hem, sanly platformalar “Netflix”, “Apple TU”, “Amazon”, HBO üçin düşürilen filmleriň sany artypdyr.
“Netflix” arkaly köpçülige ýetirilen we bütin dünýäde iň köp tomaşa edilen seriallaryň biri bolan “Lupin” we “Emili Parižde” ýaly seriallar şäheriň taryhy we medeni gymmatlygy bolan ýerlerinde surata düşürilipdir.
