Indoneziýanyň Sulawesi adasyndaky Palu şäherinde ýerli haýwan hukuklaryny goraýjylar boýnunda 5 ýyllap motosikl tekerini göterip gezen krokodili halas etdiler. 2016-njy ýyldan bäri daşky gurşawy goramagyň meseleleri bilen iş salyşýan guramanyň işgärleri krokodile kömek etmäge we boşatmaga synanyşyp geldiler. Ýöne olaryň tagallalary häzire çenli başa barmandy.
Iň soňunda uzynlygy bäş metre deň bolan bu süýrenijä haýwan hukuklaryny goraýan ýerli ýaşaýjylar kömek etdi. Olar üç hepdäniň dowamynda krokodili tutmagyň ugruna çykdylar. Ahyrynda 20 adamdan gowrak toparyň tagallasy bilen haýwan kenara çykarylyp, tigirden boşadyldy.
