Italiýanyň çempionaty Serie A-da tapgyryň merkezi duşuşyklarynyň ikisi deňlikde tamamlandy. Öňdäki orunlary gyzyklandyrýan bu duşuşyklarda Napoli öz meýdançasynda Inter bilen 1-1, Atalanta hem Ýuwentus bilen 1-1 deňme-deň oýnady. Insinýeniň 7-nji minutdaky penalti goly bilen öňe saýlanan Napoliniň derwezesinden deňlik goluny 47-nji minutda Edin Jeko geçirdi. Lorenzo Insinýe Napolidäki 116-njy goluny geçirip, bu ugurda Diego Maradonadan öňe saýlandy we ol klubda 3-nji ýerde barýar.
Şeýle hasap bilen gutaran Atalanta-Ýuwentus duşuşygynda 76-njy minutda Malinowskiý ýer eýelerini öňe saýlady. Ýöne birnäçe amatly pursatlardan peýdalanyp bilmedik Ýuwentus 90+3-nji minutda Danilonyň goly bilen ýeňlişden halas boldy. Bu iki deňlikde Milan toparynyň peýdasyna bolup, olar öz meýdançasynda Sampdoriýany Rafael Leaonyň 8-nji minutdaky ýeke-täk goly bilen 1-0 ýeňdi. Bu netijelerden soň Milan sanawda birinji orna beýgeldi.
