Germaniýanyň Bundesligasynda bu tapgyrda garaşylmadyk netije hasaba alyndy. Sanawyň lideri we soňky çempion Bawariýa myhmançylykda Bohumdan 4-2 asgyn geldi. 9-njy minutda Lewandowskiniň goly bilen öňe saýlanan münhenliler 30 minutda, has takygy, 14-44-nji minutlar aralygynda ýer eýeleriniň 4 goluna çäre tapyp bilmedi. 2-nji ýarymda Lewandowskiniň ýene bir goly ýeňiş üçin ýeterlik bolmady. Şeýlelikde, Bohum 1-nji aýlawdaky 7-0 hasabynda ýeňlişiň aryny almagy başardy. Mälim bolşy ýaly Bawariýa 1-nji oýunda Bohumy 7-0 utupdy. Şeýle-de Bohum 46 ýyldan soň Bawariýanyň derwezesinden 1-nji ýarymda 4 gol geçiren ilkinji klub bolup, 1975-nji ýylda çempionatyň çäginde Aýntraht Bawariýany 6-0 ýeňipdi. Şol oýnuň 1-nji ýarymynda frankfurtlylar 5 gol geçiripdi.
Bundesligada Dortmundyň Borussiýasy myhmançylykda Union Berlini 3- hasabynda ýeňdi. Oýunda 2 gezek tapawutlanan Marko Roýsuň Borussiýadaky gollarynyň sany 151-e ýetdi. Lewerkuzeniň Baýeri bu tapgyrda-da uly hasaply ýeňiş gazanyp, olar Ştutgarty 4-2 utdy.
