Ispaniýanyň çempionaty La Ligada sanawyň lideri Real Madrid öz meýdançasynda Alawesden 3-0 üstün çykdy. Paýtagtlylara ýeňiş getiren gollary Asensio, Winisius Junior hem-de Benzema (p) geçirdi. 2-nji ýerde barýan Sewilýa myhmançylykda Espanýol bilen 1-1 deňme-deň oýnap, 2 utuk ýitirdi. Tapgyryň merkezi duşuşygynda Barselona myhmançylykda Walensiýadan 4-1 üstün çykdy. Duşuşykda katalonlaryň 3 goluny täze transfer Pier-Emerik Obameýang geçirdi. Ol mundan ozal Ligue 1-de, Bundesliga hem-de Premier Ligada het-trik edip, 21-nji asyrda şeýle statistika görkezen ilkinji futbolçy boldy.
