Angliýanyň Premier Ligasynda 19-njy tapgyryň galdyrylan oýnunda Liwerpul öz meýdançasynda Lids Ýunaýtedi kabul etdi. Turuw başdan erjel oýun görkezen ýer eýeleri Liwerpul garşydaşlarynyň derwezesinden jogapsyz 6 gol geçirdi. Gollary 15-nji we 35-nji minutlarda ikisini-de penaltiden Mohamed Salah, 30-njy minutda Joel Matip, 80-nji we 90+1-nji minutlarda Sadio Mane hem-de 90+3-nji minutda Wirgil Wan Deýk derwezä girizdi. Bassyr 9 oýundan bäri ýeňiş gazanyp gelýän Liwerpul sanawyň lideri Mançester Siti bilen arasyndaky utuk aratapawudy 3-e düşürdi. Bu bolsa Premier Ligada çempionlyk ýaryşyna (iki toparyň arasynda) täzeden badalga berildigi diýmekdir.
Şeýle-de Premier Ligada 18-nji tapgyrdan galan duşuşykda Watford öz meýdançasynda Kristal Palasdan 4-1 utuldy. Geçen tapgyrda sanawyň liderini myhmançylykda 3-2 ýeňen Tottenham aşaky orunlarda barýan Býornliden 1-0 asgyn geldi. Tottenham soňky 5 duşuşygynda 4-nji gezek ýeňildi.
