Sähelçe salym öz Ýewropa Konferensiýa Ligasynyň 1/8 finalynyň bijeleri çekildi. Ýaryşyň faworitlerinden Marsel Şweýsariýanyň Bazel topary bilen bije çekişdi. Iňlis kluby Lesteriň bijesine-de bäsleşikdäki beýleki fransuz kluby Renn düşdi. Meşhur tälimçi Žoze Mourinionyň tälimçiligindäki Roma bolsa Niderlandlaryň Witesse topary bilen duşuşar.
Ýaryşda häzirki wagtda Niderlandlaryň 4 topary çykyş edýär. Şol sanda Fransiýadan 2 klub wekilçilik edýär. 1/8 finalda Italiýadyr Angliýanyň, Daniýanyň, Awstriýanyň, Şweýsariýanyň, Norwegiýanyň, Serbiýanyň, Çehiýanyň, Gresiýanyň hem-de Belgiýanyň bir kluby bar. Çärýek finalyň duşuşyklary 10-njy we 17-nji martda oýnalar.
Ýewropa Konferensiýa Ligasynyň 1/8 finalynyň bijeleri:
Slawiýa Praga (Çehiýa) – LASK (Awstriýa)
PAOK (Gresiýa) – Gent (Belgiýa)
PSW (Niderlandlar) – Kopengagen (Daniýa)
Lester Siti (Angliýa) – Renn (Fransiýa)
Witesse (Niderlandlar) – Roma (Italiýa)
Bude-Glimt (Norwegiýa) – AZ Alkmaar (Niderlandlar)
Partizan (Serbiýa) – Feýenoord (Niderlandlar)
Marsel (Fransiýa) – Bazel (Şweýsariýa)
