“Apple” kompaniýasy 2022-nji ýylyň ilkinji uly tanyşdyrylyş dabarasyny 8-nji martda geçirjekdigini resmi ýagdaýda mälim etdi. “Peak Performance” şygary bilen geçiriljek çäre “Apple Park” seýilgähinden göni ýaýlym arkaly görkeziler. Kompaniýa geçen ýyl “iPhone 13” seriýasyna degişli telefonlary çykarypdy. Mälim bolşy ýaly, tehnologiýa ägirdi her ýylyň mart aýynyň ortalarynda esasy tanyşdyrylyş dabarasyny geçirýär. Bilermenler kompaniýanyň “iPhone” telefonlarynyň arzan bahalysy bolan “iPhone SE”-niň nobatdaky nusgasyny tanyşdyrjakdygyny çaklaýarlar. Şeýle hem çärede “iPad Air” enjamynyň hem tanyşdyrylmagyna garaşylýar.
Mähri Gylyçbäýewa,
S.A.Nyýazow adyndaky Türkmen oba hojalyk uniwersitetiniň talyby.
