Şu ýylyň 12-nji martynda geçiriljek Prezident saýlawlarynda 18 ýaşyny dolduryp, saýlaw uçastoklarynda ilkinji gezek ses berýän ýaş saýlawçylaryň ýurdumyz boýunça jemi 98.940-dan gowragy hasaba alyndy.
Watanymyzyň geljegi bolan gujurly ýaşlarymyz Berkarar döwletiň täze eýýamynyň Galkynyşy döwründe özleriniň ilkinji syýasy ädimlerini ädip, ýagny seslerini berip, döwleti dolandyrmaga gatnaşarlar.
Saýlaw uçastoklarynda olara höweslendiriji sowgatlaryň gowşurylmagy bolsa, biziň ýurdumyzda ýaş nesle aýratyn ähmiýet berilýändiginiň aýdyň subutnamasydyr.
