“Miss World 2021” gözellik bäsleşiginiň ýeňijileri belli boldy. Porto Rikoda geçirilen bäsleşikde 21 ýaşyndaky polşaly Karolina Býelawska birinji boldy. “Covid-19” sebäpli yza süýşürilen bäsleşikde ýeňijiniň täjini 2019-njy ýyldaky ýeňijisi, ýamaýkaly Toni-Ann Sing geýdirdi. Býelawska “Miss World” gözellik bäsleşiginde ýeňiş gazanan 2-nji polşaly zenan bolup, ondan öňde 1989-njy ýylda Aneta Krengliskaýa ýeňiji bolupdy. ABŞ-dan Şri Saini 2-nji, Kot-d’Iwuardan Oliwiýa Ýeýs üçünji ýeri eýeledi.
Geçen ýylyň dekabrynda geçiriljek bäsleşik (Miss World 2021) gatnaşyjylaryň käbirinde koronawirus ýokanjynyň bardygy sebäpli yza süýşürilipdi. Ilkinji gezek 1951-nji ýylda geçirilen bu bäsleşik 70-nji gezek geçirilýär. Bäsleşigiň 2020-nji ýyldakysy pandemiýa sebäpli ýatyrylypdy. Mundan ozal 2019-njy ýylda geçirilen bäsleşikde ýamaýkaly Toni-En Singh ýeňiji bolupdy.
