Dünýä Kubogyna 36 ýyldan soň 2-nji gezek gatnaşýan Kanadanyň ýygyndysynyň tälimçisi Jon Herdman futbolyň taryhyna adyny altyn harplar bilen ýazdyrdy. 46 ýaşyndaky angliýaly hünärmen hem erkekleriň, hem-de zenanlaryň arasyndaky Dünýä Kubogyna wekilçilik eden ilkinji tälimçi bolar. 2006-2011-nji ýyllar aralygynda Täze Zelandiýanyň zenanlar ýygyndysyna tälim beren Herdmann 2011-nji ýylda bu ýygyndyny Dünýä Kubogyna çykardy. Ol 2011-nji ýylda Kanadanyň zenanlar ýygyndysynyň tälimçiligine bellenilýär. Herdmann kanadaly zenanlara Pan Amerikan oýunlarynda altyn, London hem-de Rio Olimpiadalarynda-da bürünç medal gazandyrýar.
2018-nji ýylda-da Kanadanyň erkekler ýygyndysyna, ýagny häzirki tälimçilik edýän toparyna wezipä bellenilýär. Kanadanyň ýygyndysy onuň tälimçiliginde FIFA-nyň reýtinginde 72-nji orundan 40-njy orna çenli beýgelýär we bu ýygyndynyň taryhyndaky iň ýokary görkezijidir. 28-nji martda-da Kanadanyň ýygyndysy onuň tälimçiliginde 36 ýyldan soň Dünýä Kubogyna gatnaşmaga hukuk gazanýar.
