Ispaniýanyň çempionaty La Ligada Barselona topary öz meýdançasynda Sewilýany 1-0 hasabynda ýeňdi. Katalonlara ýeňiş getiren ýeke-täk goly 72-nji minutda owadan hereketlerden soň Pedri geçirdi. Bu ýeňişden soň 2-nji orna beýgelen Barselona sanawyň lideri Real Madridden 1 oýny kem 12 utuk yzda barýar. Barselona topary La Ligada 14 oýundan bäri ýeňilmän gelýär (10 ýeňiş, 4 deňlik). Olar çempionatyň tamamlanmagyna 8 tapgyr galanda, 2-nji ýere geçip, Real Madridiň ýalňyşaryna garaşyp başlady.
Benzema oýnasa ýeňiş gazanýar
La Ligada 30-njy tapgyrda Real Madrid myhmançylykda Seltany Karim Benzemanyň penaltiden geçiren 2 goly bilen 2-1 hasabynda ýeňdi. Madridiň beýleki bir topary, soňky çempion Atletiko Madrid hem ýeňişli ýörişini dowam etdirýär. Simeoneniň şägirtleri öz meýdançasynda Alawesi Žoao Feliks hem-de Luis Suaresiň hersiniň 2 goly bilen 4-1 hasabynda ýeňdi.
