Ösümlikleriň biri-birleri bilen habarlaşýandygy, guraklyk we beýleki howplary habar berýändigi ozaldan mälimdir. Angliýada kömeleklerde hem şeýle barlag geçirildi. Günbatar Angliýa uniwersitetiniň professory Endrýu Adamatski we onuň ýolbaşçylyk edýän topary kömelekleriň biri-birleri bilen habarlaşyp bilýändigini mälim etdi. Alymlar kömelegiň dört görnüşini öwrenipdirler. Geçirilen barlaglarda kömelekleriň guran agaç böleklerine degenlerinde, bu barada habar bermek üçin elektrik signallaryny ulanýandyklary ýüe çykarylypdyr. Barlagda “Enoki”, “Splitgill”, “Omphalotus nidiformis” we “Cordyceps sinensis” atly kömelekler öwrenilipdir. Bu barada “Royal Society Open Science” žurnalynda ylmy makala çap edildi.
Gülbahar Hydyrowa,
S.A.Nyýazow adyndaky Türkmen oba hojalyk uniwersitetiniň uly mugallymy
