Ispaniýanyň çempionaty La Ligada 32-nji tapgyryň jemleýji duşuşygynda Barselona bilen aşaky orunlarda barýan Kadiz topary duşuşdy. Oýun ýer eýeleriniň artykmaçlygynda geçse-de, myhmanlar 1-0 hasabynda ýeňşini baýram etdi. Kadiz topary taryhynda ilkinji gezek Kamp Nouda Barselonany ýeňmegi başardy. Andalusiýa regionynyň toparyna ýeňiş getiren ýeke-täk goly jerime meýdançasynyň içindäki başagaýlykdan peýdalanan Lukas Peres geçirdi. Barselona toparyna Kadiz toparyny 4 oýundan bäri ýeňmek başardanok (2 deňlik, 2 ýeňliş).
Bu ýeňişden soň Kadiz utugyny 31-e çykaryp, 16-njy orna beýgeldi.
Barselona çempionatda 15 oýundan soň ýeňlişe sezewar boldy. Katalonlar soňky gezek 4-nji dekabrda Kamp Nouda Betisden 1-0 asgyn gelipdi. Barselona topary UEFA Ýewropa Ligasynda-da öz meýdançasynda Aýantrahtdan utulup, ýaryşdan çykypdy. Barselona topary öz meýdançasynda 19 ýyldan soň yzly-yzyna 2-nji gezek ýeňlişe sezewar boldy.
Barselona 1 oýny kem 60 utuk bilen 2-nji orunda barýar. Bu ýeňlişden 75 utukly Real Madrid çempionlyga bir ädim golaýlady. La Ligada çempionatyň tamamlanmagyna 6 tapgyr galdy.
