Dünýä futbolynyň super ýyldyzy Kristiano Ronaldo we ýanýoldaşy Jorjina Rodriges dünýä inen ekiz bäbekleriniň biriniň aradan çykandygyny bilelikde habar berdiler. Olar sosial media arkaly: “Oglumyzyň aradan çykandygyny çuňňur gynanç bilen beýan edýäris. Bir ene-atanyň sezewar bolup biläýjek iň uly ajy wakasy. Muňa tagapyl etmek üçin umyt we şatlyk paýlaýan ýeke-täk zat, gyzymyzyň dünýä inmegi. Oguljygymyz sen bir perişde, biz seni hemişe söýeris” diýen setirler bilen paýlaşdy.
