Kompýuter syçanjyklaryny öndürýän “Logitech” kompaniýasy “Logitech Lift” atly dik görnüşli täze önümini tanyşdyrdy. Syçanjyk mundan ozal tanyşdyrylan “MX Vertical”-dan arzan bolmagy bilen tapawutlanýar. Kompaniýanyň bilermenleri syçanjygyň dik şekiliniň kompýuterde işlenende, eliňi ýadatmajakdygyny we ulanmak üçin has amatlydygyny belleýärler. Syçanjygyň 3 reňkli görnüşi bar. Enjamyň daşy ýumşak kauçuk bilen gaplanandygy sebäpli taýgak däl häsiýetlidir. Bir sany AA batareýa bilen kompýutere geçirijisiz birikdirilýän syçanjygyň çepbekeýler üçin niýetlenen görnüşi hem bar. Täze harydyň 70 dollardan satuwa çykaryljakdygy mälim edildi.
Aýlar Allamyradowa, Türkmen döwlet maliýe institutynyň talyby
