Di­ýa­ry­myz­da ra­ýat­la­ryň sag­ly­gy­nyň go­ral­ma­gy ug­run­da uly ala­da­lar edil­ýär. «Döw­let adam üçin­dir!» şy­ga­ry bi­len al­nyp ba­ryl­ýan dur­muş ugur­ly sy­ýa­sat­da hal­ky­my­zyň bag­ty­ýar­ly­gy we ro­waç­ly­gy ile­ri tu­tulýаn ugur­dyr. Mil­li sag­ly­gy go­ra­ýyş ul­ga­myn­da ýe­ti­len be­lent sep­git­ler Ga­raş­syz Wa­ta­ny­my­zyň ga­za­nan iň uly üs­tün­lik­le­ri­niň ha­ta­ryn­da yk­rar edil­di.
Ýur­du­my­zyň mil­li sag­ly­gy go­ra­ýyş ul­ga­my­nyň ke­ma­la gel­me­gi aka­de­mik, luk­man­çy­lyk ylym­la­ry­nyň dok­to­ry, pro­fes­sor, luk­man Arkadagymyz Gurbanguly Berdimuhamedowyň ady we zäh­me­ti, hut mil­li Li­de­ri­mi­ziň pa­ra­sat­ly baş­tu­tan­ly­gyn­da iş­le­nip dü­zü­len «Sag­lyk» Döw­let mak­sat­na­ma­sy­nyň üs­tün­lik­li amal edil­me­gi bi­len aý­ryl­maz bag­la­ny­şyk­ly­dyr.

«Saglyk» Döwlet maksatnamasynda göz öňünde tutulan çäreleriň üstünlikli durmuşa geçirilmegi netijesinde soňky ýyllarda ýurdumyzda adam ömrüniň ortaça dowamlylygy yzygiderli ýokarlanýar, pudagyň düzümleri döwrebaplaşdyrylýar, innowasion tehnologiýalar we lukmançylyk ulgamyndaky iň öňdebaryjy tejribeler işjeň ornaşdyrylýar.

Ýo­ka­ry hü­när de­re­je­li luk­man­la­ryň taý­ýar­la­nyl­ma­gy, şeý­le-de dün­ýä­niň bel­li önüm ön­dü­ri­ji­le­ri­niň döw­re­bap en­jam­la­ry­nyň or­naş­dy­ryl­ma­gy bi­len, türk­me­nis­tan­ly­la­ra ýo­ka­ry hal­ka­ra öl­çeg­le­re la­ýyk gel­ýän luk­man­çy­lyk hyz­mat­la­ry edil­ýär. Ýur­du­my­zyň şä­her­le­ri­niň we oba­la­ry­nyň ok­gun­ly ös­dü­ril­me­gi­ni göz öňün­de tut­ýan giň ge­rim­li öz­gert­me­le­ri dur­mu­şa ge­çir­me­giň çäk­le­rin­de Di­ýa­ry­my­zyň iň çet­ki kün­jek­le­rin­de-de sag­ly­gy go­ra­ýyş des­ga­la­ry gu­rul­ýar.
Jem­gy­ýe­ti­miz­de sag­dyn dur­muş ýö­rel­ge­si­niň ber­ka­rar edil­me­gi­ne, dog­ry iý­mit­len­me­giň we köp­çü­lik­le­ýin be­den­ter­bi­ýe-sa­gal­dyş he­re­ke­ti­niň giň­den wa­gyz edil­me­gi­ne uly üns be­ril­ýär. Bu­la­ryň äh­li­si döw­le­ti­mi­ziň dün­ýä jem­gy­ýet­çi­li­gi hem-de ab­raý­ly hal­ka­ra gu­ra­ma­lar, şol san­da BMG we onuň ýö­ri­te­leş­di­ri­len eda­ra­la­ry bo­lan Bü­tin­dün­ýä Sag­ly­gy Go­ra­ýyş Gu­ra­ma­sy, ÝU­NI­SEF we beý­le­ki gu­ra­ma­lar ta­ra­pyn­dan yk­rar edi­len oý­la­ny­şyk­ly hem-de dur­muş ugur­ly sy­ýa­sa­ty­nyň anyk ne­ti­je­le­ri­dir. Bu dü­züm­ler bi­len iş­jeň we ön­jeý­li hyz­mat­daş­lyk ýo­la go­ýul­dy. Dün­ýä­niň öň­de­ba­ry­jy luk­man­çy­lyk eda­ra­la­ry­dyr yl­my-bar­lag mer­kez­le­ri bi­len ýyg­jam gat­na­şyk­lar al­nyp ba­ryl­ýar.
Ýur­du­myz­da adam sag­ly­gy­nyň ýo­kar­da tu­tul­ýan­dy­gy­nyň ýe­ne-de bir su­but­na­ma­sy­nyň şa­ýa­dy bol­duk. Ge­çen hep­de hor­mat­ly Pre­zi­den­ti­mi­ziň gat­naş­ma­gyn­da Türk­men­ba­şy şä­he­rin­de 400 orun­lyk kö­pu­gur­ly has­sa­ha­na açy­lyp ulan­ma­ga be­ril­di. Bu ýur­duň çä­gin­dä­ki, şol san­da Bal­kan we­la­ýa­tyn­da­ky iň döw­re­bap has­sa­ha­na­la­ryň bi­ri bo­lup dur­ýar. Ol dün­ýä­niň iň öň­de­ba­ry­jy luk­man­çy­lyk en­jam­la­ry we til­si­mat­lar bi­len üp­jün edi­lip, mu­nuň özi gel­jek­de ýur­duň ra­ýat­la­ry­nyň, şol san­da ça­ga­la­ryň sag­ly­gy­ny go­ra­ma­ga-da aý­ra­tyn go­şant bo­lar.
Şu­nuň ýa­ly tä­ze luk­man­çy­lyk mer­kez­le­ri­niň di­ňe bir ýur­du­my­zyň paý­tag­tyn­da däl, eý­sem, we­la­ýat­lar­da hem açyl­ýan­dy­gy­ny aý­ra­tyn bel­le­mek ge­rek. Mu­nuň özi döw­le­ti­mi­ziň ila­ty­my­zyň sag­ly­gy ha­kyn­da ala­da­sy­nyň, ra­ýat­la­ra ýo­ka­ry de­re­je­li luk­man­çy­lyk hyz­mat­la­ry­nyň ýur­du­my­zyň äh­li kün­je­gin­de el­ýe­ter­li­di­gi­niň aý­dyň su­but­na­ma­sy­dyr.
Hal­ky­my­zyň pä­him ele­gin­den ge­çen aýt­gy­lar­da nyg­ta­ly­şy ýa­ly, bagt­ly bol­ma­gyň on şer­ti­niň do­ku­zy­sy sag­lyk bi­len bag­ly­dyr. Yn­sa­nyň sag­ly­gy onuň iň gym­mat­ly baý­ly­gy bol­mak bi­len, ol döw­le­tiň hem-de jem­gy­ýe­tiň ösü­şi­ne tä­sir ed­ýän en­çe­me gör­ke­zi­ji­le­ri özün­de jem­le­ýär. Dün­ýä tej­ri­be­si­niň gör­ke­zi­şi ýa­ly, ila­tyň jan sag­ly­gy, il­kin­ji no­bat­da, ýurt­da al­nyp ba­ryl­ýan yk­dy­sa­dy sy­ýa­sa­ta öz tä­si­ri­ni ýe­tir­ýär, adam ma­ýa­sy yk­dy­sa­dy­ýe­tiň äh­li ul­gam­la­ry­ny he­re­ke­te ge­tir­mek­de, öşü­şi çalt­lan­dyr­ma­ga ýar­dam ber­ýän in­no­wa­si­on teh­no­lo­gi­ýa­la­ry do­lan­dyr­mak­da we dur­nuk­ly yk­dy­sa­dy, dur­muş ýag­daý­la­ry­ny eme­le ge­tir­mek­de aý­ra­tyn hyz­ma­ty ýe­ri­ne ýe­tir­ýär. Hut şo­nuň üçin hem Bir­le­şen Mil­let­ler Gu­ra­ma­sy ta­ra­pyn­dan yk­rar edi­len «Gün ter­ti­bi – 2030-yň» 3-nji mak­sa­dy «Sag­dyn dur­muş ýö­rel­ge­si­ni üp­jün et­mek we äh­li ýaş­da­ky­la­ryň aba­dan­çy­ly­gy­na ýar­dam ber­mek» diý­lip at­lan­dy­ryl­ýar.

Arç­man­ber­di ÝA­ZY­ÝEW,
Türk­men döw­let bi­na­gär­lik-gur­lu­şyk ins­ti­tu­ty­nyň mu­gal­ly­my.

Gyzykly bolup bilerЕЩЕ ОТ АВТОРА