Teh­no­lo­gi­ýa­nyň ös­me­gi çip­le­re bo­lan is­le­gi gör­ne­tin ýo­kar­lan­dyr­ýar. Şeý­le bo­lan­soň ýa­rym­ge­çi­ri­ji ön­dür­ýän kom­pa­ni­ýa­lar ma­ýa go­ýum­la­ry­ny art­dy­ryp, tä­ze des­ga­la­ry gur­ýar­lar. Bu ugur­da dün­ýä­niň öň­de­ba­ry­jy kom­pa­ni­ýa­la­ry­nyň ara­syn­da­ky bäs­deş­lik gy­zyş­ýar. Taý­wa­nyň TSMC kom­pa­ni­ýa­sy umu­my muk­da­ry 120 mil­liard dol­lar bo­lan tä­ze ma­ýa go­ýum tas­la­ma­sy­ny taý­ýar­la­dy. Tas­la­ma­nyň çäk­le­rin­de Taý­wan­da her bi­ri­niň ba­ha­sy 10 mil­liard dol­lar bo­lan dört sa­ny önüm­çi­lik des­ga­sy gur­lar. «Nik­kei Asia» ne­şi­ri­niň ha­ba­ry­na gö­rä, bu des­ga­la­ryň äh­li­sin­de ösen 3nm çip­ler ön­dü­ri­ler.
Go­laý­da «Sam­sung» kom­pa­ni­ýa­sy bu pu­da­ga 355 mil­liard dol­lar ma­ýa go­ýum gö­nük­dir­jek­di­gi­ni mä­lim edip­di. Bu iki kom­pa­ni­ýa hem şu ýy­lyň do­wa­myn­da 3nm çip­le­riň önüm­çi­li­gi­ne baş­la­ma­gy mak­sat edin­ýär. 2025-nji ýyl­da bol­sa 2nm çip­le­riň önüm­çi­li­gi ýo­la goý­lar. «Sam­sung»-yň 3nm GAA teh­no­lo­gi­ýa­sy ar­ka­ly ön­dü­ri­len çi­piň öl­çe­gi 35 gö­te­rim ki­çi bo­lup, ozal­ky nes­le de­giş­li çip­den 30 gö­te­rim güýç­li bo­lar.
Hä­zir­ki wagt­da bu iki kom­pa­ni­ýa öz en­jam­la­ryn­da 4nm çip­le­ri ulan­ýan AMD, «App­le», «Nvidia», «Qualcomm» we «Me­dia­Tek» ýa­ly teh­no­lo­gi­ýa kom­pa­ni­ýa­la­ry bi­len hyz­mat­daş­ly­gy­ny pug­ta­lan­dyr­ma­ga ça­lyş­ýar.
Ýe­ri ge­len­de bel­le­sek, soň­ky wagt­lar­da ABŞ, Ýa­po­ni­ýa we Ýew­ro­pa ýurt­la­ry ýa­rym­ge­çi­ri­ji ba­za­ryn­dan has köp paý al­mak üçin hu­su­sy kom­pa­ni­ýa­lar üçin hö­dür­le­ýän ýe­ňil­lik­le­ri­ni art­dyr­dy­lar. Is­pa­ni­ýa­da we Ger­ma­ni­ýa­da tä­ze za­wod­la­ryň gu­rul­jak­dy­gy mä­lim edi­len bol­sa, Ýa­po­ni­ýa bi­len ABŞ 2nm çip­le­riň önüm­çi­li­gi­ni ýo­la goý­mak üçin tas­la­ma taý­ýar­la­ýar.

Gyzykly bolup bilerЕЩЕ ОТ АВТОРА