NBA-da “Denwer Naggets” topary serbiýaly ýyldyzy Nikola Ýokiç bilen 5 ýyllyk şertnama baglaşdy. Topar 27 ýaşyndaky super ýyldyza 5 ýyllyk şertnama üçin 264 million dollar tölär. Bu bolsa NBA-nyň taryhyndaky iň gymmat şertnama hökmünde hasaba alyndy. Yzly-yzyna 2 gezek adaty möwsümiň iň gymmatly oýunçysy saýlanan Ýokiç geçen möwsümde 19 sapar “triple-double” netije gazandy. Ol geçen möwsümde ortaça 27,1 utuk, 13,8 ribaund görkezijiler bilen çykyş etdi. Şol bir wagtyň özünde “Finiks Sans” topary ýyldyz oýunçysy Dewin Buker bilen 4 ýyllyk 214 million dollarlyk, “Waşington Wizards” bolsa esasy ýyldyzy Bredli Bil bilen 5 ýyllyk 251 million dollarlyk şertnama baglaşdy.
NBA-da şu wagta çenli 200 million dollardan geçen 7 şertnama bar bolup, başda-da belleýşimiz ýaly olaryň birinji Nikola Ýokiçiň şertnamasydyr.
NBA-nyň iň gymmat şertnamalary:
1. Nikola Ýokiç (“Denwer Naggets”, 2022) – 5 ýyllyk – 264 million dollar
2. Bredli Bil (“Waşington Wizards”, 2022) – 5 ýyllyk – 251 million dollar
3. Ýannis Antetokunmpo (“Milwaki Baks”, 2020) 5 ýyllyk – 228,2 million dollar
4. Jeýms Harden (“Hýuston Rokets”, 2017) – 4 ýyllyk – 228 million dollar
5. Dewin Buker (“Finiks Sans”, 2022) – 4 ýyllyk – 214 million dollar
6. Rassell Westbruk (“Oklahamo Siti Tander”, 2017) – 5 ýyllyk – 206,8 million dollar
7. Stefen Körri (“Golden Steýt Warriors”, 2017) – 5 ýyllyk – 201,2 million dollar)
