Agyz we diş sagdynlygy

Agyz iý­mit siň­di­riş ul­ga­my­nyň il­kin­ji­si bo­lup, iý­mit­le­riň siň­di­ril­mä­ge baş­lan­ýan ag­za­sy­dyr.
Diş iň berk sy­na­la­ryň bi­ri ha­sap­lan­ýar. Ýet­gin­jek­ler­de 32, ça­ga­lar­da bol­sa, 28 diş bo­lup, iý­mit­le­riň çeý­nel­me­gi­ni üp­jün ed­ýär. Ça­ga­lyk­da çy­kan süýt diş­le­riň ýe­ri­ne wag­tyň geç­me­gi bi­len berk, çe­ýe diş­ler çyk­ýar.
Ha­çan­da diş sag­ly­gy­na üns be­ril­me­se, şe­ker­li iý­mit­ler köp iý­lip so­ňun­dan agyz boş­lu­gy suw bi­len çaý­kal­ma­sa ya-da çot­ga bi­len aras­sa­lan­ma­sa, ola­ryň ara­syn­da ga­lan iý­mit bö­le­jik­le­ri­ni mik­ro­or­ga­nizm­ler iýip kö­pel­ýär­ler. Bu hem diş­le­riň kem-kem­den çüý­re­me­gi­ne ge­tir­ýär. Bu­lar­dan baş­ga hem hoz, şä­nik, pis­se ýa­ly­la­ryň diş bi­len ça­kyl­ma­gy, na­ha­ryň aşa gyz­gyn ýa-da so­wuk iýil­me­gi, iň­ňe ýa­ly zat­lar bi­len diş­le­riň synç­gy­lan­ma­gy ola­ryň ze­per­len­me­gi­ne ge­tir­ýär.
Diş­le­riň çüý­re­me­gi­niň öňü­ni al­mak üçin, süýt we onuň önüm­le­ri­ni, di­şe peý­da­ly A we D wi­ta­min­le­ri­ne baý bo­lan azyk önüm­le­ri­ni köp­räk iý­me­li. Aý­ra­tyn hem, so­wuk iý­mi­tiň yzyn­dan gyz­gyn ýa-da ter­si­ne ulan­ma­ly däl. Na­har­dan soň eli­mi­zi, ag­zy­my­zy ýuw­şu­myz ýa­ly diş­le­ri­mi­zi hem aras­sa­la­ma­ly. Ag­zy suw bi­len çaý­ka­mak, di­şiň aras­sa­lan­dy­gy bol­ma­ýar.
Eý­sem, diş­le­ri­mi­zi nä­hi­li çot­ga­la­ma­ly?! Il­ki bi­len çot­ga­ny aşak ýo­ka­ryk bol­jak şe­kil­de diş­le­re sürt­me­li. Diş­le­riň öň we iç ta­ra­py, üs­ti gys­san­man çot­ga­lan­ma­ly. Çot­ga diş pas­ta­sy­ny no­hu­dyň ulu­ly­gyn­da çal­ma­ly. Diş­le­ri­mi­zi ir­den we ag­şam ýat­maz­dan öňün­çä aras­sa­la­mak en­di­gi­ni edin­me­li. Aras­sa­la­ma­gyň do­wam­ly­ly­gy 2,5 – 3 mi­nut mas­la­hat be­ril­ýär. Diş çot­ga­sy or­ta­ça 6 aý­dan bir ge­zek tä­ze­le­nip du­rul­ma­ly.