ABŞ-nyň “The Washington Post” gazeti habarly çeşmelere salgylanyp, Ak tamyň öňki ýolbaşçysy Donald Trampyň ýene-de Prezidentlige dalaş etmek niýetiniň bardygyny mälim etdi. Neşiriň habaryna görä, Tramp sentýabr aýyndan başlap prezidentlik bäsleşigine gatnaşjakdygyny resmi taýdan yglan eder.
Trampyň çynlakaý niýetini, onuň eýýäm saýlaw kampaniýasy barada geňeşçileri bilen ara alyp maslahatlaşyp ugrandygy bilen subut edilýär. Trampyň egindeşleriniň biriniň pikiriçe, syýasatçy şu ýylyň noýabr aýynda geçiriljek kongres saýlawlaryndan öň hem 2024-nji ýyldaky saýlawlarda prezidentlik ugrunda göreşmäge taýýardygyny resmi taýdan yglan eder.
