Dünýä belli milliarder Bill Geýts baýlygynyň bir bölegini haýyr-sahawat gaznasy arkaly bagyş etjekdigini habar berdi. “Microsoft” kompaniýasynyň esaslandyryjy, birnäçe ýyllap dünýäniň iň gurply adamlarynyň sanawynda orun alan Geýts, öňki aýaly Melinda Geýts bilen esaslandyran gaznasyna 20 milliard dollar berjekdigini habar berdi. Häzirki wagtda Geýts dünýäniň iň baý dördünji adamy hasaplanýar. Ol köp ýyldan bäri haýyr-sahawat gaznalaryna goldaw berýär. “Forbes” žurnalynyň habaryna görä, Geýtsiň baýlygy 118 milliard dollar.
“Bill & Melinda Gates” gaznasy pandemiýa we howanyň üýtgemegi ýaly soňky global meseleler sebäpli gaznanyň çykdajylaryny 2026-njy ýyla çenli her ýylda 6 milliard dollardan 9 milliard dollara çenli ýokarlandyrjakdygyny aýtdy.
“Bill & Melinda Geýts” gaznasy gyzzyrma ýaly keselleri ýok etmek, bilimi gowulaşdyrmak we saglyk ýagdaýyny gowulandyrmak üçin göreşmek üçin dürli ýurtlarda iş alyp barýar. Bu gazna 2020-nji ýylda 49,8 milliard dollarlyk maliýe serişdeleri bilen dünýäde ikinji orunda durýar.
