Aralaryna tow düşen super hüjümçi Robert Lewandowski 8 ýyllyk kluby “Bawariýany” terk eder. Polşaly hüjümçiniň “Barselona” transfer bolandygy resmi ýagdaýda habar berildi. 33 ýaşyndaky hüjümçi katalonlar bilen 3+1 ýyllyk şertnama gol çekişer. Oýunçy saglyk barlaglaryndan geçensoň täze topary bilen şertnama baglaşar. “Barselona” topary “Bawariýa” bilen 1 ýyl şertnamasy bar bolan ýyldyz oýunçy üçin nemes klubuna 45+5 million ýewro tölär. Lewandowski täze klubundan ýyllyk 17,6 million ýewro hak alar. Ol “Bawariýadan” ýylda 23 million ýewro hak alýardy. 2014-nji ýylda “Borussiýa Dortmunddan” tölegsiz “Bawariýa” geçen ýyldyz hüjümçi münhenlileriň düzüminde 375 oýunda 344 gol geçirip, 72 goluň pasyny berdi. Ol “Bawariýada” 8 gezek “Bundesliganyň”, şol sanda 1 gezek Çempionlar Ligasynyň çempionlygyny gazandy.
