Angliýanyň «Premier Ligasyna» 23 ýyldan soň dolanan «Nottingam Forest» topary transferden doýanok. Klub golaýda 16-njy futbolçysyny transfer etdi. Olaryň 16-njy futbolçysy Morgan Gibbs-Waýt bolup, topar bu transfer üçin «Wulwerhempton» klubuna 25 million funt sterling berer. Şeýlelikde, Gibbs-Waýt klubuň taryhyndaky iň gymmat transfer hökmünde hasaba alyndy. Goşmaçalar bilen «Nottingem Forest» ýene-de 17,5 million ýewrony «Wulwerhempton» toparyna bermeli bolar. Asly Ýamaýkadan bolan angliýaly futbolçy «Nottingam Forest» bilen 5 ýyllyk şertnama baglaşdy. 22 ýaşyndaky futbolçy täze klubunda 10-njy belgili köýnekçäni geýer. Geçen möwsümi «Şeffild Ýunaýtedde» kärendesine oýnan Gibbs-Waýt 40 oýunda 13 gol geçiripdi.
