«Benfika» toparynyň ukrainaly hüjümçisi Roman Ýaremçuk mundan soň karýerasyny Belgiýanyň «Klub Brýugge» toparynda dowam eder. 26 ýaşly oýunçy brýuselliler bilen 4 ýyllyk şertnama baglaşdy. «Klub Brýugge» Ýaremçugyň transferi üçin portugal klubuna 16+3 million ýewro berer. «Benfika» topary oýunçynyň indiki transferiniň mukdary 10 million ýewrodan ýokary bolsa, onda olar şonuň 10 göterimini hem alarlar. «Benfikadan» öň Belgiýanyň başga bir kluby «Gentde» 4 möwsüm çykyş eden Ýaremçuk «Dinamo Kiýewde» futbola başlapdy. Ýaremçuk «Benfikada» 2 möwsümde 47 oýunda 9 gol geçirdi.
