UEFA Çempionlar Ligasynda 2022/2023 möwsüminiň toparçalardaky duşuşyklary tamamlandy. 9 hepdede tamamlanan duşuşyklardan soň 32 klubuň deň ýarysy ýaryşy dowam etdirer. 5 topar bilen ýaryşa başlan nemes klublarynyň 4-si, şol sanda 4 topar bilen gatnaşýan Angliýanyň ähli klublary ýaryşy dowam etdirer. Italýanlaryň 4 toparynyň 3-si, 3 portugal klubunyň 2-si 1/8 finalda çykyş etmäge hukuk gazandy. 4 topar bilen wekilçilik eden ispanlaryň bolsa diňe 1 kluby ýaryşy dowam eder. Beýleki 2 klubuň biri Belgiýanyň, biri-de Fransiýanyň wekilleridir. 1/8 finalyň bijeleri duşenbe güni çekiler. Bije çekiliş dabarasy Aşgabat wagty bilen 16:00-da başlanar. 1/8 finalyň duşuşyklary bolsa geljek ýylyň 14-15-nji, 21-22-nji fewralynda hem-de 7-8-nji we 14-15-nji martynda oýnalar.
TOPARÇADA 1-nji ÝERI EÝELÄNLER: “Napoli”, “Porto”, “Bawariýa”, “Tottenham”, “Çelsi”, “Real Madrid”, “Mançester Siti”, “Benfika”
TOPARÇADA 2-nji ÝERI EÝELÄNLER: “Liwerpul”, “Klub Brýugge”, “Inter”, “Aýntraht”, “Milan”, “Leipsig”, “Borussiýa Dortmund”, “Pari Sen-Žermen”
ÝEWROPA LIGASYNA GATNAŞJAKLAR: “Aýaks”, “Baýer”, “Barselona”, “Sporting”, “RB Salsburg”, “Şahtýor Donesk”, “Sewilýa”, “Ýuwentus”
