ABŞ-nyň Tehas ştatynyň Hýuston şäheriniň ýaşaýjysy Tanýa Herbert dünýäniň iň uly dabanly zenany hökmünde Ginnesiň rekordlar kitabyna girdi. Bu barada UPI agentligi habar berdi.
Zenanyň boýy 2 metr 7 santimetr, onuň sag dabanynyň uzynlygy 33 santimetr, çep dabanynyňky bolsa, 32,4 santimetr. Tanýa 50 ölçegli aýakgap geýýär. Amerikaly zenan, köplenç aýakgaby onlaýn satyn alýandygyny, sebäbi dükanlarda köplenç aýagyna gabat gelýän ölçegli aýakgap tapyp bilmeýändigini aýtdy.
-Men iň uly aýakgaby satyn alanymdan soň aýagyma laýyk getirmek üçin çekdirip giňeldýärin – diýip, zenan gürrüň berdi.
