“Mançester Ýunaýted” bilen şertnamasy ýatyrylan portugaliýaly super ýyldyz Kristiano Ronaldo super teklip gelip gowuşdy. “CBS Sports”-yň habar bermegine görä, Saud Arabystanynyň iň meşhur topary “Al-Nassr” kluby Ronaldony düzümine goşmakçy bolýar. Arap kluby 37 ýaşyndaky super ýyldyza 3 ýyllyk şertnama teklip edýär. Ronaldo şol 3 ýylyň dowamynda-da 225 million dollar hak alar. “Al-Nassr” topary Saud Arabystanynda soňky gezek 2019-njy ýylda çempion bolupdy. Olaryň 9 çempionlygy bar.
Ronaldo bilen “Al-Nassrdan” başga-da Angliýanyň “Çelsi”, “Nýukasl” klublary hem gyzyklanýar. Oýunçynyň haýsy klub bilen şertnama baglaşjakdygy häzirlikçe nämälim bolup, Dünýä Kubogyndan soň onuň çykyş etjek klubunyň belli bolmagyna garaşylýar.
