Katar 2022-de “F” toparçada Marokkonyň ýygyndysy Kanadany 2-1 hasabynda ýeňlişe sezewar etdi. 4-nji minutda Ziýeşiň goly bilen öňe saýlanan Marokkonyň ýygyndys 23-nji minutda En-Nesiri afrikalylary 2-0 öňe çykardy. 40-njy minutda-da Kanadanyň çep gyragadan amala aşyran hüjüminde Aguerdiň ýalňyşlyk bilen geçiren goly esasynda aratapawudy 1 gola düşürdi. Bu oýundaky soňky gol boldy. Bu ýeňişden soň Marokkonyň ýygyndysy 1986-njy ýyldan soň taryhynda 2-nji gezek Dünýa Kubogynda 1/8 finala çykdy.
Toparçadaky beýleki duşuşykda-da geçen ýaryşyň kümüş we bürünç medally iki ýygyndysy Horwatiýa bilen Belgiýanyň milli toparlary özara güýç synanyşdylar. Çekeleşikli geçen oýunda hasap açylmady. Esasan hem Belgiýanyň ýygyndysy 2-nji ýarymda birnäçe amatly pursatlary elden giderdi. Aýratyn hem Romelu Lukaku derwezä gönükdiräýmeli pursatlarda topy meýdançanyň daşyna ugratdy. Şeýlelikde, kümüş medally ýygyndy Horwatiýa bürünç medally ýygyndydan – Belgiýadan üstün çykyp, 1/8 finalda oýnama hukuk gazandy. Altyn nesil ady bilen tanalýan Belgiýanyň ýygyndysy üçin bolsa çempionat wagtyndan juda ir tamamlandy.
