Ýaponiýaly milliarder Ýusaku Maezawa geljek ýyl “SpaceX” raketasy bilen Aýa kimler bilen gitjekdigini mälim etdi. Mundan ozal kömekçisi bilen Halkara kosmos bekedinde bolan Maezawa öz ýany bilen amerikaly DJ we prodýuser Stiw Aoki, “YouTuber” Tim Dodd, kinoprodýuser Brendan Hall, çehiýaly koreograf Ýemi A.D., irlandiýaly fotosuratçy Riannon Adam, iňlis fotosuratçy Karim Iliýa, hindi aktýory Dew Joşi we T.O.P ady bilen meşhurlyk gazanan Günorta koreýaly K-pop ýyldyzy Çoi Seung-hýun dagy kosmos gämisi bilen Aýyň daşyndan aýlanyp gaýdarlar.
ABŞ-ly snowbordçy Kaýtlin Farrington hem-de ýapon tansçy Miýu ätiýaçlyk sanawyna girizildi. Geçen ýyl Russiýanyň Federal Kosmos edarasyna (Roskosmos) degişli “Soyuz MS-20” kosmos gämisi bilen Halkara Kosmos bekedine çykyp, 12 gün bolupdy. Maezawa bu syýahatyna Aýa gitmek üçin taýýarlyk hökmünde garaýandygyny mälim edipdi.
