Niderlandlar bilen bolan çärýek final duşuşygynda penaltiden tapawutlanyp, şu çempionatdaky 4-nji, umumylykda-da Dünýä Kubogyndaky 10-njy goluny geçiren Lionel Messi taryhy rekordyň bosagasynda dur. Ol 10-njy goly geçirmek bilen Dünýä Kubogynda iň köp gol geçiren 2 argentinaly oýunçynyň biri bolupdy (beýlekisi Gabriel Batistuta). Lionel Messi Niderlandlar bilen bolan oýunda 1 goluň pasyny hem berip, Dünýä Kubogynda pleý-off tapgyrynda iň köp asist eden oýunçy bolmagy başardy. Bu onuň 5-nji asisti bolup, ol futbolyň şasy Peläniň rekordyny täzeledi. Şol bir wagtyň özünde çärýek final duşuşygy Messiniň Dünýä Kubogynda 24-nji duşuşygy bolup, germaniýaly Miroslaw Klose bilen deňleşdi. Ol ýarym finalda-da meýdança çykan ýagdaýynda Lotar Matteusyň 25 oýunlyk taryhy rekordyny gaýtalar. Messi ýarym finalda soň final ýa-da 3-nji ýer üçin duşuşykda çykyş etse, onda 26 oýun bilen taryhy rekordyň ýeke-täk eýesi bolar. Dünýäniň super ýyldyzy Dünýä Kubogynyň çäginde taryhy rekordyň bosagasynda dur.
