Katar 2022 Dünýä Kubogynda 36 ýyldan soň taryhy çempionlyk gazanan Argentinanyň ýygyndysynyň näçeräk pul baýragyny gazanjakdygy mälim edildi. Tangoçylar umumylykda 52 million dollar gazanarlar. Finala çenli 30 million dollar gazanan Argentinanyň ýygyndysyna çempionlyk premýasy hökmünde FIFA tarapyndan 12 million dollar berler. Günorta Amerikanyň futbol federasiýasy tarapyndanam çempionlyk sowgady hökmünde 10 million dollaryň beriljekdigi ozal wada edilipdi. Netijede, Argentinanyň ýygyndysy çempion hökmünde 52 million dollarlyk pul sylagy bilen sylaglanar.
FIFA gatnaşan her ýygynda azyndan 9 million dollar berer. 2-nji tapgyra çykanlara 13, çärýek finalçylara 17 million dollar sowgat paýlar. Finalda utulan Fransiýanyň ýygyndysyna 30, 3-nji ýeri eýelän Horwatiýa 27, 4-nji ýeri eýelän Marokko bolsa 25 million dollarlyk pul sylagyna mynasyp bolar.
