Katar 2022 Dünýä Kubogynyň ýyldyzlaryndan, Niderlandlaryň ýaş hüjümçisi Kodi Gakpo mundan soň karýerasyny “Premier Ligada” dowam etdirer. “Mançester Ýunaýted” klubunyň hem düzümine goşmak islän oýunçysyny “Liwerpul” transfer etdi. 23 ýaşyndaky oýunçy “Liwerpul” bilen 5 ýyllyk şertnama baglaşdy. “Liwerpul” kluby bu transfer üçin entek resmi mälim edilmese-de, PSW toparyna 45 million ýewro tölär. Gakpo şu möwsümde 34 oýunda 18 gol geçirip, 18 goluň pasyny berdi. Ol PSW-de 159 oýunda 55 gezek tapawutlanyp, 50 gola-da asistlik etdi. Gakpo Dünýä Kubogynda geçiren 5 duşuşygynda 3 goly derwezä girizdi.
