Angliýanyň “Çelsi” kluby transferden doýanok. Londonlylar gyşky transfer möwsüminde eýýäm 4-nji futbolçysyny transfer etdi. Çempionatda pes netije görkezýän “Çelsi” bu gezek “Atletiko Madridiň” portugaliýaly ýyldyz hüjümçi Žoao Feliksi düzümine goşdy. 23 ýaşyndaky oýunçy häzirlikçe möwsümiň ahyryna çenli “Çelside” kärendesine oýnar. “Çelsi” kluby Feliksiň özüne 6, kärende tölegi hökmünde-de “Atletiko Madride” 11 million ýewro berer.
“Çelsi” gyşky transfer möwsüminde Feliksden öňem Wasko da Gamadan braziliýaly ýarymgoragçy Andreý Santosy, “Monakodan” fransiýaly goragçy Benua Badiaşileni hem-de “Moldeden” kot-d’iwuarly hüjümçi Dewid Datro Fofanany transfer edipdi.
