Germaniýanyň çempionaty “Bundesligada” 19-njy tapgyrda sanawyň lideri “Bawariýa” ahyry ýeňiş gazandy. 3 tapgyry 1-1 deňlikde tamamlanan münhenliler myhmançylykda “Wolfsburg” toparyndan 4-2 hasabynda üstün çykdy. “Bawariýa” ýeňiş getiren gollary Koman (2), Müller hem-de Musiala geçirdi. Şeýle-de, Dortmundyň “Borussiýasy” öz meýdançasynda “Fraýburgy 5-1 hasabynda ýeňlişe sezewar etdi. Duşuşykda dortmundlylaryň adyndan Şlotterberk, Adeýemi, Haller, Brandt hem-de Reýna tapawutlandy. “Leipsigiň” utuk ýitiren tapgyrynda “Union Berlin” öz meýdançasynda “Maýnsy” 2-1 hasabynda ýeňlişe sezewar edip, çempionlyk ugrundaky göreşini dowam etdirdi.
