Super ýyldyz Kristiano Ronaldo täze yklymyna, täze çempionatyna, täze klubuna kem-kemden öwrenişip başlan ýaly. 16-njy tapgyryň çäginde “Al Nassr” kluby myhmançylykda “Al Wahda” topary bilen duşuşdy. Duşuşykda myhmanlar super ýyldyz Kristiano Ronaldonyň pokeri ýagny 4 goly bilen 4-0 hasabynda ýeňiş gazandy. 38 ýaşyndaky ýyldyz oýunçy oýnuň 21-nji, 40-njy, 53-nji (penalti) hem-de 61-nji minutlarynda tapawutlandy. Şunlukda, Ronaldo karýerasyndaky 61-nji het-trigini etmegi başardy. Onuň geçiren bu gollary ýyldyz oýunçynyň milli çempionatlardaky 500-nji, 501-nji, 502-nji hem-de 503-nji gollary hökmünde hasaba alyndy. Ronaldonyň Saud Arabystanynyň çempionatyndaky gollarynyň sany 5-e ýetdi.
